Disparicion de Robèrt Marti, Padena
Omenatge de l'IEO OPM :
Robèrt Martí (1944-2021)
Foguèt militant occitan, escrivan d’aquesta lenga, a l’origina de la creacion d’IDECO, lo sector d’edicion/difusion de l’IEO, IEO que ne foguèt tanben president pendent mai de 10 ans, tanplan obrièr de la dobertura de l’ostal Joan Bodon de Crespinh (Avairon)… Robèrt Martí èra a el tot sol las mantunas caras d’un meteis engatjament, sens quitar, al servici de la lenga occitana.
Lo grand public lo coneis melhor jol nom de scèna de “Padena”, sens dobte lo comic occitan mai famós (se disiá d’el que vendiá mai de caissetas dins Lengadòc que Mickael Jackson). Berreta vissada sul cap, esclòps als pès, bragas de velós testarudament remontadas, Padena, fals nèci e maliciós vertadièr, aimava de contar sas colhonadas, o las aventuras de Marcelon, e aquò dins la lenga del país !
Es segurament perque nos ensenhava una part de nosauts, perque sos esquètchs èran pas sonque aquí per far rire mas per far pensar (e pensar sul rire, segon la siá formula venguda celèbra “un pòble es adult quand es capable de se trufar d’el, e de se trufar d’el dins la siá lenga”) que sa despartida, lo 5 de mai de 2021, entristesís totas las e totes los que lo coneguèron, qu’aimèron l’òme, presèron l’artista, defendèron a son costat la lenga e la cultura occitanas.
Adieu Robèrt !
Robèrt Martí (1944-2021)
Foguèt militant occitan, escrivan d’aquesta lenga, a l’origina de la creacion d’IDECO, lo sector d’edicion/difusion de l’IEO, IEO que ne foguèt tanben president pendent mai de 10 ans, tanplan obrièr de la dobertura de l’ostal Joan Bodon de Crespinh (Avairon)… Robèrt Martí èra a el tot sol las mantunas caras d’un meteis engatjament, sens quitar, al servici de la lenga occitana.
Lo grand public lo coneis melhor jol nom de scèna de “Padena”, sens dobte lo comic occitan mai famós (se disiá d’el que vendiá mai de caissetas dins Lengadòc que Mickael Jackson). Berreta vissada sul cap, esclòps als pès, bragas de velós testarudament remontadas, Padena, fals nèci e maliciós vertadièr, aimava de contar sas colhonadas, o las aventuras de Marcelon, e aquò dins la lenga del país !
Es segurament perque nos ensenhava una part de nosauts, perque sos esquètchs èran pas sonque aquí per far rire mas per far pensar (e pensar sul rire, segon la siá formula venguda celèbra “un pòble es adult quand es capable de se trufar d’el, e de se trufar d’el dins la siá lenga”) que sa despartida, lo 5 de mai de 2021, entristesís totas las e totes los que lo coneguèron, qu’aimèron l’òme, presèron l’artista, defendèron a son costat la lenga e la cultura occitanas.
Adieu Robèrt !
