"La Tata de Borniquet" a Espaliu

La Cabreta e lo Cèrcle de Roergue-Naut vos prepausan un après-dinnar recreatiu amb  lo grop teatre de"La Pastourelle" de Rodés que jogarà "La Tata de Borniquet", comedia escricha per Enric Mouly e Adrien Vezinet.
Sèm en 1900, dins la bòria de Monsur  e Madama Borniquet . Lor filha , Janina, es amorosa del Robert,simple vailet. Los parents vòlon pas d'aquela union: una filha rica e un paure trabalhador de la tèrra !....Mas, la Tata qu'es a l'ostal se va mainar d'aquel afar e ensajar d'ajudar, benlèu, los dos amoroses...
Sètz convidats a venir passar un bon moment a l'entorn de la cultura e de la lenga occitanas, a Espaliu, Sala de la Gara lo dimenge 20 de genièr de 2019 ,après-dinnar , a doas oras e mièja.