Passejada IEO12 lo 10 de setembre de 2022,

La Prima Occitana de mars-abrial de 2022 s’es debanada dins l’Espalionés, en partenariat amb l’associacion occitana locala « Les Amis de Joseph Vaylet-Occitans en Roergue-Naut ». Per la Passejada de setembre, semblava tot natural de tornar veire nòstres amics a Espaliu. Nos guidaràn dins lor ciutat, rica de son patrimòni dont lo Camin de Sant Jacmes, classat al Patrimòni Mondial de l’UNESCO (en particular lo tròç Sant Chèli- Espaliu- Estanh per son patrimòni e sos paisagtes). Rendètz-vos a 10 oras del matin e aparcament , Plaça Frontin (Ancianas Presons, Musèu de Roergue) ont se farà lo despart de la caminada sul Camin de Sant Jaumes fins a l’estatua de Sant Ilarian, riva esquèrra d’Òlt . Retorn a la Glèisa romanica de Persa pels camins dels òrts, lo Fièiral e sos monuments fins a las autòs per trapar la saqueta del « copa-croston » que se farà al ras d’Òlt. Puèi, visita de la vila amb qualques sitis : Pont Vièlh, Vièlh Palais, Calquièiras, Capèla dels Penitents, Musèu Vaylet- Musèu de l’Escafandre( glèisa St Joan), Musèu de Roergue( Ancianas Presons) e son exposicion temporària « Quand l’ici est ailleurs »(colleccions extra europencas de Joseph Vaylet) … Coma cada an, aquela passejada serà l’escasença de se tornar trobar, après la pausa estivenca, per una jornada mesclant passejada, cultura e lenga occitanas. De notar : las visitas de Perse, de la ciutat , del Musèu « d’Arts et Traditions populaires J.Vaylet » e los comentaris sul Camin de Compostèla se pòdon far en lenga nòstra. Per facilitar l’organizacion de la jornada, vos demandam de vos inscriure abans lo 3 se setembre. Reservacions : 06 74 75 45 77 / ieo.aveyron@gmail.com Participacion : 3 € aderents / 5 € non aderents.