Aquò fa qualquas annadas que l'IEO12 organiza de primas occitanas a Rodés, Luc-La Primauba, Olemps, Santa Radegonda, Sebasac . Ongan : La Baraca del Fraisse (Baraqueville), Manhac, Moirasés.
Noël Corsini nos a quitats fa qualques jorns, uèi Joël Balard aprèp una malautiá folzejanta ven de partir. Los dos èran "escolans" assidús als corses per adultes a Rodés: volián conéisser melhor una lenga qu'èra dins lors ausidors dempuèi l'enfància e qu'aimavan. De Castelnòu Pegairòls a Milhau, Joël l'aviá entenduda la lenga nòstra, en familha tanben amb Iveta, son esposa.
Divendres 14 de febrièr de 2014, a 18 oras, a la bibliotèca, bd A. Briand, a Sant Africa, l'associacion CAP l'ÒC e la bibliotèca intercomunala convidan a un encontre literari amb Maria Roanet: son libre "Dins de patetas rojas" ven d'èsser reeditat a las edicions "Letras d'òc".
De mancar pas al mes de febrièr: las setmanas occitanas del Vilafrancat e son "Festibal". Entresenhas: IEO del Vilafrancat & AMTR 05.65. 29. 93.11 - Mòstra: "Un vilatge dins lo monde" per J.M. Gauthier, del 19 al 28 de febrièr a la bibliotèca municipala; presentacion del fons occitan de la bibliotèca. - Dimècres 19 de febrièr a la bibliotèca: a 15 oras contes occitans pels dròlles amb M.O. Dumeaux; a 18:30, inauguracion de la mòstra; a 21 oras conferéncia "Lo cant occitan" per X. Vidal.
Dimenge 16 de febrièr, a doas oras e mièja de l'aprèp-dinnar, a la sala de la gara a Espaliu, l'"Escloupeto" presenta "Lo catet de Rascal" d'Enric Mouly. Espectacle organizat pel cercle occitan du Haut Rouergue e per "La Cabreto". Dintrada: 5€
L'ouvrage de Cantalausa dans son intégralité. Profitez pleinement de
la puissance du travail de Cantalausa en ligne en visitant les activités pégagogiques
