Mai 2021

Lo 29 de mai, Albi

Lo 29 de Mai, lo CREO TOLOSA manifestarà a-z-Albi !

Lo CREO Tolosa (Centre Regional de l’Ensenhament de l’Occitan de l’Acadèmia de Tolosa), l’IEO OPM (Institut d’Estudis Occitans Region Occitània), e lo CCOA (Centre Cultura Occitan de l’Albigés), Calandreta, Oc-bi e lo Felibritge, respondon a l’apèl del collectiu Pour que vivent nos langues e vos convidan a una manifestacion musicala lo dissabte 29 de mai a Albi.

Mobilizacion del 29 de mai

 L’IEO 12 respond a l’apèl del collectiu « Pour que vivent nos langues » e vos convida a una manifestacion musicala lo dissabte 29 de mai a Albi.

Lo recampament es previst a 14o30 dins lo Pargue Ròcaguda (davant l’Hotel Rochegude, costat pargue), seguit de presas de paraula de las associacions organizatritz, puèi d’un desfilat en musica acompanhat d’artistas de la region dins las carrièras albigesas.

AG IEO12 (seguida..)

Caras sòcias e cars sòcis,


Totas e totes sabètz que l’Amassada generala de l’IEO12 la poguèrem pas téner coma previst lo dissabte 27 de març.

Mas vos’n dobtatz, saique, que per de rasons administrativas, la devèm programar pro lèu.

Sasina de la lei Molac



https://www.conseil-constitutionnel.fr/decision/2021/2021818DC.htm
Décision n° 2021-818 DC du 21 mai 2021 | Conseil constitutionnel

Disparicion de Robèrt Marti, Padena


Omenatge de l'IEO  OPM :

Robèrt Martí (1944-2021)

Foguèt militant occitan, escrivan d’aquesta lenga, a l’origina de la creacion d’IDECO, lo sector d’edicion/difusion de l’IEO, IEO que ne foguèt tanben president pendent mai de 10 ans, tanplan obrièr de la dobertura de l’ostal Joan Bodon de Crespinh (Avairon)… Robèrt Martí èra a el tot sol las mantunas caras d’un meteis engatjament, sens quitar, al servici de la lenga occitana.

Lei Molac : Sasina depausada per 61 deputats

Lo 22 de mai, al mai tard, lo Conselh constitucional presidat pel Laurenç Fabius, rendrà sa decision en seguida de la sasina depausada per 61 deputats de la majoritat (lista a jorn es junhada a aquel mèl).

Uèi 04/05, au moment que la lista dels " 61 " èra oficializada, Paul Molac, deputat a l'origina de la Lei adoptat pel Parlament lo 8 d'abrial, interpelèt lo Ministre Blanquer dens lo quadre de las questions au govèrnament per