Lei Molac : Sasina depausada per 61 deputats

Lo 22 de mai, al mai tard, lo Conselh constitucional presidat pel Laurenç Fabius, rendrà sa decision en seguida de la sasina depausada per 61 deputats de la majoritat (lista a jorn es junhada a aquel mèl).

Uèi 04/05, au moment que la lista dels " 61 " èra oficializada, Paul Molac, deputat a l'origina de la Lei adoptat pel Parlament lo 8 d'abrial, interpelèt lo Ministre Blanquer dens lo quadre de las questions au govèrnament per

    s'estonar de la sasina dels deputats a partir del moment que la lei èra estada votada
    criticar l'intervencion dirècta del cabinet del ministre de lo despaus de la sasina
    demandar se lo ministre defendriá com o cal la lei de cap al Conselh constitucional com es a l'origina de la sasina.

Lo ministre Blanquer responèt que la lei, a la sortida de l'estudi del CC, ne seriá mai fòrta e se felicitè de la sasina.
En retorn, lo deputat Molac denoncièt l'abséncia de responsa a la question pausada, en soslinhar que dins lo cas present, lo ministre se preneva pel Primièr ministre

La video de l'intervencion : https://www.facebook.com/108936797312484/videos/210588807264399 (pensatz a vos abonar al Facebook de l'IEO)
    
IEO - Institut d'Etudes Occitanes on Facebook Watch
Per Paul Molac, lo ministre de l'Educacion se pren pel prumier ministre en organizant el-meteis la sasina ! Question al govèrnament de Paul Molac,...
www.facebook.com

Al-delà dels escambis politics, cal soslinhar la posicion tras qu'ambigüa de la majoritat e del ministre Blanquer qui n'accepta pas la decision del Parlament. La màger part dels deputats signataris de la sasina son pas dirèctament concernits per la question de las lengas regionalas, e donc del risc tal qu'evocat dins la sasina, per las collectivitats localas (Mèfi, d'autres deputats opausats a la lei, an pas signada la sasina del grop LREM mas i son mai que favorables). Es donc plan una decision politica, de sostien a un ministre en dificultat perque desavoat pels deputats al moment del vòte de la Lei (una majoritat dels deputats LREM presents lo 8/04 an votat en favor de la Lei) tal que l'implicacion del Benjamin Griveaux, un pròche del President, o mostra. Un rambalh politic a l'imatge de la politica actuala del govèrn per las lengas regionalas e de la refòrma del licèu menada pel Ministre Blanquer, responsabla de la baissa significativa dels efectius en lenga regionala (plan notabla per l'occitan).

Se Paul Molac es fisançós per l'analisi sul fons de la sasina (e o cal èsser), cal contunhar la mobilizacion e interpelar los deputats de la majoritat sul caractèri inic e imcompreensible de la sasina (abséncia de lista dels signataris entre lo 22/04 e lo 04/05, e dobte suls signataris) coma sus las consequéncia de la politica del minsitre de l'Educacion.

Ça que la, una jornada de mobilizacion, a l'apèl del Collectiu PourQueViventNosLangues, que l'IEO n'es membre, es prevista lo dissabte 29 de mai.
Serà 1 setmana après la decision del CC...


----------------------------
Laurenç Gòsset, PhD
Director de l'IEO
direccion@ieo-oc.org