Qualques aucèls de per çò nòstre
La Prima occitana contunha dins la vila de Rodés :
"Vos vòli parlar de qualques aucèls de per çò nòstre.
(S’agís d’una presentacion. Es pas una "conferéncia".) Aqueles aucèls pichons e gròsses que crosam sovent dins lo campèstre e dins lo vilatge o la vila, los coneissèm mai o mens. Los agacham e los escotam pas pro, los prenèm de còps l'un per l'autre.Vos vòli ensenhar a los reconéisser. Tot al mens serà un començament. Vos parlarai pas de las questions scientificas suls endreches ont vivon, sus çò que manjan, sus las passas o migracions que fan. Ensajarai pas que d'iniciar l'observacion de tal o tal aucèl, a partir de sa forma e de sas colors, de l'escota de son cant o de son crit e de son mimologisme quand existís. Vos dirai tanben çò qu'es un mimologisme. Plan solide que los aucèls de per çò nòstre « parlan » en occitan, es una evidéncia. M'ajudarai d'un diaporama, d'enregistraments sonòrs e ieu dirai los mimologismes.
En esperant que vos aurai balhada l'enveja de ne saber mai, de los escotar mai e de contunhar a los conéisser mai de l'uèlh e de l'ausida."
Cristian Andrieu
15h dimècres 12 d'abrial, Ostal de las associacions, avenguda Tarayre, Rodés
dubèrt a totes e a totas, liure participacion.
Fichièr:
