Novembre 2014

"Nadalets" lo 19 de decembre a Moirasés

Vo'n sovenètz ? La tradicion voliá que, los sers de dabans Nadal, sonèsson las campanas. Eran les Nadalets. Un autre biais de cantar Nadal : aqueles cants, de "Nadalets" tanben, de las paraulas que disián la vida vidanta e qu'utilizavan d'aires populars. Se cantavan a la debuta e a la fin de la messa de mièjanuèch.
Aqueles " Nadalets" son encara dins las nòstras aurelhas : "Nadal Tindaire", "Enfants, revelhatz-vos", "Pastres, pastretas", Lèva-te viste, Bertomieu"...

Arnaud Cance: "Saique benlèu"

Arnaud Cance, lo cantaire occitan de Roergue, anóncia un novèl CD e un novèl concèrt "Saique benlèu". A escotar:
- al convent d'Auzits: lo dimenge 23 de novembre a 17:30 ; lo diluns 24 a 20:30
- a l'espaci Yves Roques a La Sala lo dimarç 25 de novembre a 20:30
Entresenhas: 05 65 73 80 64; 06 74 83 69 91

Amors de trobadors

Dimècres 17 de decembre a cinc oras e mièja al Palais Vielh d'Espaliu: René Couderc presentarà son libre novèl "Amours de Trobadours" (edicions Marcel Bonaterre). Aprèp un expausat e un escambi amb los legidors, l'autor dedicarà son obratge.
Un libre a descobrir... una passejada amb fòrça citacions ( reviradas al francés) dins l'univèrs dels poètas-filosofs del sègles XII e XIII...

Velhada occitana

Conferéncia lo 19/11 a Rodés : los Croquants de Roergue

L'IEO 12 prepausa una conferéncia en occitan, lo dimècres 19 de novembre, a 18:00, a l'Ostal de las associacions, 15, avenguda Tarayre a Rodés: "Los Croquants de Roergue, istòria d'una sedicion qu'afrontèt lo poder de París", pel vilafrancat Jaquí Ten.
Revòlta que, dins la primièra mitat del sègle XVII, embrasèt Lemosin, Carcin, Roergue, Lengadòc-bas, Guiana e Gasconha. Revòlta de la fam e de la misèria, l'insurreccion s'acabèt dins lo sang: Joan Petit e Laforca  executats en plaça publica de Vilafranca de R., Lapalha tuat a Najac.

Cabaret occitan a Vilafranca de R.

Dissabte 22 de novembre, a partir de 20:00, al domèni de Laurières: serada cabaret de l'IEO del Vilafrancat a l'entorn de la pola farcida e de la lenga d'òc.
I aurà lo contaire tarnés Guy Reilles e son personnatge Trabol, Albèrta Forestier, Paulin Belvèze e d'autres cantaires e contaires.
Inscripcions e entresenhas: 05 65 45 56 04, o 05 65 29 93 11

Castanhada a Crespinh

Divendres 7 de novembre, a 20:30, a la sala de las fèstas de Crespinh, los Amics de l'ostal Joan Bodon convidan a una castanhada contada e cantada amb Arnaud Cance e Jiròni Vialaret que se passejaràn dins l'òbra de Joan Bodon. Castanhas greladas e citra o chuc de pomas. Dintrada: 10€ pels adults, 5€ pels enfants