"Rosalina canta en òc"

Dimenge 2 de febrièr, a 15:30, a La Doline, Sebasac

« Trad en 4d », cada ivèrn, organiza una vesprada sul tèma de la cançon occitana ; ongan, la convidada es Rosalina Cortial .
Rosalina, la cantaira occitana plan coneguda, torna amb aquel programa a la lenga occitana que foguèt la seuna a la debuta, emai se pren totjorn plaser a interpretar un repertòri classic d’òbras importantas.
Amb aquel concèrt novèl, canta de composicions originalas e de poètas que faguèron la capitada del grop « Fai Lum », fa quaques annadas.
Per l’acompanhar : a l’acordeon, Max Bruel plan conegut dins lo mond de l’espectacle avaironés ; al violoncèl, Marylise Romefort, que ven d’una formacion classica e s’es especializada dempuèi 10 ans dins las musicas del mond e las musicas actualas. Aqueles dos musicians talentuóses van l’acompanhar pel concèrt.
Rosalina canta los poètas occitans. La part pus bèla del concèrt serà compausada de poèmas de Joan Bodon (se festeja en 2020 lo centenàri de sa naissença). Poèmas extraches de « Sus la mar de las galèras » : represas del grop « Fai Lum » ; composicions novèlas, e tanben de tèxtes interpretats per Arnaud Cance e Mans de Breish (plan segur amb lor autorisacion)
S’entendrà tanben de poèmas de Robert Martí, Loïsà Paulin, Sèrgi Carles e de composicions de Joan-Loís Cortial.
En primièra partida del concèrt : lo grop cant occitan de « Trad en 4d » .
A la fin : veire de l’amistat ofèrt per l’associacion.
Dintrada : 7€ ; enfants de mens de 12 ans : a gratis.
Entresenhas : 06 07 30 55 38 ;  06 74 75 45 77