Espaliu - Cèrcle de Roèrgue-Nalt

Contactes : Eliane MOISSET tél 05 65 48 04 11
Gérard FERRAND  tél : 05 65 48 20 53
            Mel : gerard.ferrand4(escagaraula)orange(punt)fr

Lo cèrcle IEO de Roèrgue-Nalt  "Sur las pesadas de Joseph Vaylet"

L’idèa de crear una associacion locala espeliguèt en 2007 après quatre ans de corses per adultes organisats per IEO 12 e animats per dos professors espaliveses.

L’interès e la demanda nos butèron a crear una association sus l’espandi nord d’Avairon, sol territòri ont l’IEO èra pas representat. Lo cèrcle es basat a Espaliu, mas causiguèrem de lo ligar al país de Roèrgue-Nalt e a Josèp Vaylet que dubriguèt la dralha a Espaliu.Nòstra tòca èra de contunhar una ofèrta de corses d’occitans adultes e modèstament de far veire e de far ausir la lenga, d’èsser un relais institucional e de mostrar que Roèrgue-Nalt, ont la lenga es encara viva, a una lenga, una istòria, una cultura a promòure e a desvelopar.En mai dels corses, nos rescontram al torn de la cultura d’òc e organisam de velhadas de lectura, de conferencias, d’espectacles de teatre o de musica. A la demanda, podèm èsser presents dins de manifestacions coma las medievalas d’Estanh al mes de setembre.

Cada an, en ligason amb Rodés fasèm un viatge per descobrir d’autres cantons d’Occitania.

En collaboracion amb l’ofici de torisme e la vila avèm facha la revirada en òc del guida de visita del canton d’Espaliu qu’es ara trilingue : francés, occitan, anglés. Avèm tanben participat a la mesa en plaça de panèus explicatius  trilingues suls monuments de la vila. Comptam ben arribar a la sinhaletica bilingua de las carrièiras del centre istoric d’Espaliu.Sèm partenaris de Zefir Bòsc per l’edicion d’un  libre  sus la val d’Òlt dins sa part avaironesa amb mai de 150 cartas postalas (centenàrias per una bona part) e los comentaris de l’autor e de "Écrits en langue d’oc et auteurs occitans du Haut-Rouergue" que dona un panoramà dels autors occitans del país e d’extraches de lor òbra.  Assajam de téner doas manifestacions (velhada, conferencia, sortida, teatre, espectacle…) cada trimèstre.Trabalham en partenariat amb los fogals rurals fòrça implantats sul territòri e que vòlon far al nivèl de la region una plaça consequenta a l’occitan.Trabalham en cooperacion amb d’associacions culturalas o economicas qu’an una tòca similària à la nòstra.

Mots clau: