"Chastinhas jos las cendres", de Monica Sarrasin

L’IEO 12 vos convida al rencontre « A la descòberta d’una òbra »
 lo dimècres 4 d'abrial de 2018, a 18 oras
 a l’Ostal de las associacions,
 15 Av. Tarayre, Rodés, sala 108 (1èr nivèl) : 


"Chastinhas jos las cendres"*, de Monica SARRASIN -
 edicion Letras d'òc - camins, 2017.  


Rencontre en preséncia de Monica SARRASIN
que nos presentarà son òbra.

 
Organizat per l'IEO 12, dobèrt a totes e a gratis,
 amb lo veire de l'amistat per clavar la serada
e perlongar los escambis.

Podètz convidar los amics..



(4ena de cobèrta)
 Un pitit carnet de tres còps ren trobat dins-t-un granier :  veiquí que tornen dins la memòria los suvenirs daus temps uros de l’enfància e que se destramen los malurs dau pair preisonier de guerra.

De las annadas de temps ’pres, la drolleta que fuguet tòrna descubrir un amor que poguet pas èsser.

Entre los bonurs d‘una pita boirats aus malurs de la guerra, Monica Sarrasin nos balha aici un raconte fòrt e precios : Chastinhas jos las cendres.

 ———————-

 Monica SARRASIN – Bibliografia

 2005 : La Lison dau Peirat - Lo Chamin de Sent Jaume, Nòstre monde

2007 : La setmena de la Lison - Lo Chamin de Sent Jaume, Nòstre monde

2016 : D'entre tant, quauques uns - Lo Chamin de Sent Jaume, Nòstre monde  (Prèmi Jaufre Rudèl 2017)

2017 : Chastinhas jos las cendres - Letras d'òc, camins

 ———————-

Intervencion del majoral Jean-Claude Dugros, pel Prèmi Jaufre Rudèl lo 10 de mai de 2017 a Lagulhac-de-Cercles (Dordonha) :

 "Monica Sarrasin, fidèla a son Lemosin, nos debana sovenirs, testimònis, tròces de vita, fa parlar sas gents, los seus. Escriu una lenga rica, justa, pastada d’emocion, que ditz clarament l’amor de son país e de son monde"…

 Lo Prèmi Jaufre Rudèl es decernit dempuèi 1959 per d’òbras en occitan, de poësia o pròsa, contes, novèlas, romans. Jaufre Rudèl èra senhor de Blàia al sègle XII, trobador e crosat, celèbre per sos poèmas de fin’amor.